2013 LUNGPHER KHAW FAN.

Kumin chu ka buai kum a ni dawn sia Lungpher khua ka tlawh hman awm lo mang e aw ka ti deuh rum rum a. Mahse ka nu u Tialhari thlan tlawh turin leh kan chhungte neuh neuh tlawh turin ka thawkchhuak a zankhat lelk cham tur a kal ka nih avangin thawmhnaw pawh ka keng vak lo hle a ni.

Saiha Tlangkawn Bazaar

Saiha chhuahsan turin Zathangpuia motor ah kan inphur chho va, ruah a sur reng avangin chhum a tam angreng khawm mai.

Kawngbul a thingkung

Bualpuiah thingpuiin tur in kan han chawl khawmuang leh a, kumkhat chhung hmuh tawh loh hnu ah chuan alo danglam khawp mai. Lungpher kan thlen dawn hian namen lova ruah a sur avangin ka thlenna tur pawh chu kal hmasa lovin ka pu te in ah chuan ruah ka nghak han ta zawk a, ka pi alo damlo bawk nen. A hnu ah tlawhna remchang a awm loh avangin ka tifuh viau.

Ka Nutiali te in kan han thleng chu alo reh angreng khawp mai a, Ka pa Nguna hnem tur a kal ka nih bawk avangin min lo lawm angreng phian a, ka lawm hle a ni. A tuk a haw leh tur a inbuatsaih nimahila thlan vel enpui min duh avangin min chelh a, nikhat ka cham belh ta a ni. 

Tialhari (ka nu u) tlan ah.

Thlan a kaltur in zing dar 4 ah kan chhuak a, khua pawh a eng tan tawh a, a vawt angreng viau. Engber nge kan tawng ang tih hriat tur a vang viau mai. Ka pa Nguna chuan an hunkal tawh vel te min hrilh in politics a beihdan vel te thlengin min hrilh ve a ni. Thlan ah hian Thlado kan phun a, chumi hnu chuan kan samfai a tawngtaina te kan neih hnu in thlan dang kan kawipa thlan te kan enkual a ni.

Zamama ( kan kawipa) leh U Dingi lungphun

Hetia kan kalkual hnu hian kan haw chho leh ta a ni. Zingkarah hian ka nu te unau zing a upa ber U Kima nu ka tlawh a, thingpui thlum tawk tak min inpui a, ala hrisel tha in kum 72 lai a kai ve ta. Hemi hnu hian Pu Khara te ka tlawh a, a lo damsam meuh lo a, min han hmu chu an hlim ve hle in ka hria.

Pu Khara leh Pi Leni

Hemi ni hian Ka pa Nguna damsam loh avangin a ai awhin Phawngpui English Institute ah class te ka va la ve a. Hei hi ka zirtir hmasak ni ber anih avangin ka zei lo angreng viau.

He School hi Lungpher ah chuan english medium awmchhun ala ni rih.

Class II

Chawhma chauh class ka neih avangin chawhnu lamah hian, Lungpher a mi zahawm pawl ni pha Pu Ngunsua kawmna hun ka nei thei hlauh a, a vanneihthlak ngei mai. Thu tha tak tak min hrilh a, ani hi Lungpher khua a zirna ngaipawimawh ber te zing ami a ni.

Pu Ngunsua

Hemi hnu hian Lungpher a inlian ber Pu Hmangaihthanga in ah te ka lut a, a pui hem hem khawp mai. La cham chak hle mahila a tukah chuan haw zai ka rel ve ta a ni.

Damdawiin tlang atangin

A mawi teh asin aw.....

Lungpher field atang

Lungpher khaw damdawiin PHC

PHC Lungpher

Lungpher khua

Lungpher khaw kawtthler

Lungpher

Siachangkawn.

Lungpher a zinna a thlalak thenkhat

View from Ramthar High School

Hei le Lungpher khua hi kan khua nimahse zirna avangin ka tlawh khat angreng viau in khaw mumal pawh ka neih meuh lo a ni. Mahse ka lo seilen ve tawh na chu ka ngaiin ka thlahlel ve em em tho a ni. Kan naupan lai a rethei tak a hun kan lo hman ve na thin anih avangin theihnghilh a har dawn khawp mai. Kum sawm emaw chhungin kan khaw hmelhmang danglam na tampui awmlo mahse hma kan sawn hle tih a lang a, mahse kan tualchai ve na thin tuma tlaawhpawh tawhloh anihna erawh tha a na ve deuh.

Chawlutar leh Phawngpui 6:00 AM

• Kan khua landmark atan a ka lo hman ve thin Chaawlutar leh Phawngpuitlang te pawh a ngai te in an lo la awm a, mahse panlai hunah a let leh theih si loh. Hmanah te kha chuan mahni chauh pawhin Chawlutar pang vel ah te Ailianlui hnar lamah te khan kan kal mai thin kha a ni si a. Tunah erawh a ram vek tawh hial ka ring a ni.

Kan hotupa Pu Khuma

Kan Hotupa Pu Hrea nen...
Awmloh kar ah U Lalpekpa leh Vli nu in min peihloh san a tuar thiam a har khawp in ka hria. Anni pawh hi upa tak an nih tawh avangin min la dampui hram hram a ka lawm takmeuh meuh a ni. Pu Ringa kan headmaster nen pawh kan inhmu thei a ka lawm hle a ni, zirtirtute hi an lo va hlu em.

                                                Kan khua hi alo nuam ber anih hi

Kan khaw nawmna pakhat chu kan khaw chhehvel a ramngaw tha tak kan humhalh hi niin ka hria. Hengah te hian kan naupan lai chuan tuah thiang te kan la thin a, kan chhehvel a hetiang awm hi kan hlawkpuiin ava nuam thin em. Mahse hei kum sawm a liam ta a, thing leh mau hlutna chang kan hria anga kan changkang tawh ang chu tih nak alaiin kan chhehvel te chu mimal ram ah awmin an vat ta vak hlawm mai a, hei erawh hi chuan rilru a ti na ve khawp in ka hria. A awmchhun te hi humhalh nachang i hria ang u hmiang.

                                                      PHC Lungpher South                         Primary Health Centre hi kan khaw rohlu tih loh theih a ni lo. Tunah phei chuan hei changkang tak kan nei ta bawk a, vawnfai kawngah mawh i phur theuh ang u. Khawdang leh thawktu dang kut ah dah mai lovin kan kha hmelmawina turin i uluk ang u.

                                                     PCI Church Lungpher S

Kohhran hrang hrang ah awm hlawm mahila kan khaw hming hi kan dah pawimawh a tul khawpin ka hria. A kohhran ang zawng a inthliar lovin a mihring a zir zelin ti ta zawk ila heihi kan khaw kenkawh pakhat niin ka hria a, a lawmawm hle in ka hria.

Kan khua hming ti mawitu leh ti nuam tu kan khaw tan a theihna nasa tak lo seng tu Pi Tuankaii hi kan khua chauh pawh nilovin Tuichhak ah hi chuan a lang phak ve in ka hria. MHIP kan khua a a dintirh atangin President a ni char char a, a thih thleng a ni thei a ni. Kan khaw VEC ah pawh hruaitu ni thin in a thih lai pawh hian chairman a ni hial a ni. Kohhran lamah pawh LIKBK ah Rawngbawltu niin Bial Nupawl ah pawh chanve pawimawh tak tak IKK nih laiatang tawh in a chelh thin a ni. Heti mai a min liamsan hi a uihawm hle in ka hria. Khawtlang mai bakah keini a chhungte tan chuan channa nasa tak a ni e.

  

April par te chu mawi takin an lo par leh thin a, thlasik a khel lovin mahse kan hlimni te chu an let tawh si lo. Kan nun lo changkang chho zel ah hian kan Lungpher khaw mizia kha i chhawm nung zel ang u. Amah erawh chu paih then ngai chu kan ngah hle a ni tih hria in, chungah chuan keimahni inenfiah ngam thin ang u . Ka lawm e.
By VL Hminga, Hyderabad

TUNHMA A LUNGPHER KHAW SAKHAW BIAK DAN

TUNHMA A LUNGPHER KHAW SAKHAW BIAK DAN

Lungpher khua hi Phawngpui tlang hnuai KM 5 a awm a ni a, kum 1918 khan Dokulha fapa Suichhuman a din a ni. Khang hunlai kha chuan Kristian an la awm lova, Phawngpui tlang hi an be mai thin a ni. A tlang neitu ramhuai lal an koh dan ah chuan Darkualpa leh Tialchhumpa tih a ni thin. Mi zawng zawngin an be thei mai lova, a betu bik puithiam( bawlpu) a awm a Cheulinga Tlangchhan, a bawlhlo phurtu atan Khuakara Chhiato an hmang bawk a ni. Phawngpui tlang an biak ni chuan an biakna hmunah hmeichhia leh piangsualte kal phal a ni lo. An biakdanah hian a hmasa berin ar an hmang a, vawk, bawng, Sial an hmang leh thin a ni. Tin ran n hman ho hi a pa an ni ngei tur a ni a, sawisel kailo piandan ah an ni tur a ni. He ni hi awmni khamin niserh ah an neih a, tumah khua atanga chhuah pawh phal a ni lo.

An tui hman tur hi zing karah nu hovin kawngpeng ah an dah thin a. Tin ran an talh a, a sa pawh mipa ho chauh in an ei a thiang a ni, an eibang nawi pawh dahthat awih a nih loh avangin an paih mai thin.

KHAWHRUM (KHUANU) AN BIAKNA THUCHHAM DAN:

Maw.....Ṭialchhumpa maw Darkualpa....

Maw.... Thingbawng e, Sangau e..

Na kan huhphen lai e..."

'Tuchhunah hin nakmah remnak ah khua tipiin ni kan zarh hi kan zu leh kan sa hawng kan bawmh law"

"Kan chaah hmuldum zuah hlah hmul var zuah hlahnungak tha hawng kan pe, Tlangval tha hawng kan pe, pasaltha hawng kan pe"

"Ṭialchhumpa aw...Darkualpa aw... Thingbawng aw.....Sangau aw..... tuchhun ni ah hin hawng kan hupin hawng kan phen u"

Tiin malsawmna dilin nula hmeltha, tlangval tha, pasaltha, ramsa, buh leh bal, a malsawmna dilin leh venhimna dilin an puithiamin a chham thin a ni. ( chhunzawm tur.....)

Thu lakna: YLA SOUVENIR 2009

KHUAFO HNAM CHANCHIN

                                                               KHUAFO HNAM

Lai hnam a bikin Chinzah hlawm a lo thlangtla ho chanchin hi thlurbing kan tum tur chu a ni a, hetah hian a nihna tak a kum emaw lam kha chu tihsual a hlauhawm avangleh record diktak a awmloh avangin kan sawilang lo mai anga, heihi sawidan hrang hrang a awm thin avang erawh chuan a dik ber torah lo ngai lovin a hre deuh in inhrilhhriatna atan kan hmang dawn nia.

Khuafo hovin Tiau an lo kan hun hi hriat harsa deuh tawh mahse a hre deuh chuan Mizoram chhim leh hmar indo lai khan a ni e, tiin an sawi thin a ni. Mizoram indo lai khan hmarlam hi an pui deuhber thin a, chhimlam erawh an do ve thin. Khatia indona a han reh hnu khan tuna Mizoram ri Dawn khua ah hian an inbengbel a, a khua pawh a lian in an intodelh hle a ni. Khatih hunlai khan Thingtam in a rawn nuai zui avangin  luseilal ho mangang chuan pur an lo chaw ta a, chu chu chaw tur buhfai lei tihna a ni. Khatih hunlai kha inphil leh inrawk mai mai an awlsam hunlai anih avangin an mite himna atan tiin lusei lalte chuan Dawn a Khuafo lalpa Dokulha pa Taihmunga Chinzah chu inremna saui tanpuiin kumkhua a thlahte thleng a indo tawh lo tur in chhia an lo chham ta a ni. Hemi hnu zel ah pawh hian khuafo ho chu lusei lal hrulzel chhimlam an an lo tawlhthla ta zel a ni.

 TAWNG A LO DANGLAM

Dawn a an awmtan atang hian lusei hote nen an insumdawn tawn thin avangin leh an chhuah zeuh zeuh avang pawhin a ni ang.  Mipa te chuan lusei tawng lo hmang tan in,tlem a lai deuh hlek in lai tawng tel tho siin an tawng a, hmeichhia te erawh chuan khuafo tawng an hmang ta zel a, kum 1960 vel thleng khan. Hetiang hian mipa leh hmeichhia tawng lo inang lo mahse an inhre pawh vek tho niin upa deuh chuan an sawi thin a ni. An hmandan larzual lo thlir ila:

Lusei: Ka pa

Khuafo lusei: ka paa…( thluk deuh tur)

Lusei: ka inbual dawn

Khuafo lusei : kaan bual dawn etc…

A sei dawn duhtawk mai ang. Hmeichhe ho hmandan pawh hi hmundangah la thlir kan tum dawn nia.

AN LO THLANGTLAK DAN

Dawn atang in Cherhlun ah leh Thingsai ah an kai a, Cherhlunah hian awm rei hle in Dokulha pawh a piang hman a, tin an pa ber Taihmunga pawh hi Cherhlunah hian thi a sawi a ni. Helai velah hian hnuhma an ngah viau a niawm e eg Varhve, bawngva vanva etc. An pa ber thih hnu chuan Vanlaiphai lo kaiin an ni chuan Vuleiphai( phaizawl, khawmual a zawl) tiin an vuah a, heihi lusei hote chuan lam harsa an ti deuh ni tur a ni, intuha lo deuh in a letling thawk a vuahin Vanlaiphai an lo ti a, tunthlengin a pu zui ta zel a ni. Vanlaiphai atang hian S Vanlaiphai ah, Sangau ah te reilo te te awmin Lungtian an lokai ta a ni. Lungtian atang hian Chinzah Lalram a dingtan te pawh ti ila kan sawi sual lo vang. Hausata, Dokulha leh Vanturha te unau chu thil an lo ti thei ta viau in an huaisen em em a, chuvangin an bul a laldangte chuan an intlawnsiak thin a ni ber mai. Dokulha chu Fungkah tlangah a indang a, hetih hunlai hian Lungtian tih lovah chuan khawlian ber a ni. An inbengbel ta tih ah chuan Mizoram khawthlang lampang Lungsen khua chu runin an halsak vek a, sial zawng zawng an hawn a sal tamtak nen an kalkhawm dul dul mai a ni. An hnuhma pawh tunthlengin Sethlun kawn tih ala ni. Hetiangte avang pawh hian a ni ang  an lo ropuiin an lo hausa ta hle mai a lusei lalte pawhin an lo tlawn hial thin a ni.

DOKULHA TE UNAU CHANCHIN

Hmanlai lal ho te kha chu an duh a khirh  khawp a, chuvangin nupui thuhla ah pawh an thihpalh pawh a khawtlangin an thlamuanpui theih tur an zawng a. Lalropui deuh fa an zawng thin. Chutiang bawkin chung hunlai chuan Hausata chu alo ropui em avangin nupui atan pawh Zahau lal fanu chu nupui ah neiin that akin an unau ho chuan ro an rel leh ta a ni. Hemi hnu  hian Hausata leh a nupui chu intithiamlovin a khawtlan ta a. Lai ho hnamdanah hian khawtlan hian an inma nghal mai ngai lova a theih hram chuan an inko leh thin a ni. Hausata pawh chuan a upa leh pasaltha te chu a nupui ko tur in a tir leh a, mahse a pa chuan a kir leh dawn chuan intih hmingchhiat manah tiin mingo lu a rawn pek belh a ngai ang a tih avang in, chu thu thlen tur chuan an haw leh ta a ni.

Hetih hunlai hian British ho chuan an ramchin bithliah a, ramri tichiang turin survey a nei thin a. Hei hi Dokulha te unau hian tunhma atang tawh khan an lo ning hle a, amaherawh chu chutimai a chet erawh an la tum mai rih lo a ni. Dokulha te unau hian an hmuhphak chin an ram ni ah an ngaihtlat avang leh Sai tamna Mizoram thlanglam hloh chu an tum vaklo a nih hmel hle. British ho Surveyor atan a tirh Lt Steward leh a hote chu Rangmati bulah ram vel enfelin an lo kal a, chu chu remchang a hmangin Dokulha te unau hian an bei a ni. Sap leh a hote chu an thah hnu chuan an lu chu an hawn a a nupui kohna atan chuan an hmang ta a ni.

Hemi hnu hian chhimlamah an ram zauh zelin Lawngtlai ah an kai a, hetiang khua ah hian anmahni chhungkhat te laltirin indo leh inrun vel ah chuan Lungtian leh Fungkah in an control vek thin a ni. Lakher ho  nen Serkawr bul ah an inkap a, hemi tum ah hian an unaupa Vantura pawh an chan phah nghe nghe a, hemi hnu hian Dokulha hian a tum ber chu a nau phuba lak niin a lang.

British hovin chanchin an hriat hnu hian Hausata leh Dokulha hrem turin sipai a lo tir a, hei hi vailen vawihnihna tih a ni. An lokal dawn tih thuthang an hriat avang in Lungtian khaw ho chu an lo tlanbo vek a.  Hetih hunlai hian Hausata hi a thi tawh a ni. Sipai ho thinrim chuan khuate halsakin  an suasam sak hlawm a, Hausata thlan hi Muallianpui khaw lalnu fanai lal in a hrilh hlawm a ni awm e. Hetih hunlai hian an man tur ber Hausata alo thih tawh avang leh  Dokulha al tlanbo avangin Hausata thlan chu laichhia in sapho thil an lo mansak chu an lakir leh a ni. Sipa ho kal hnu hian a khawmi te hian an lal ruang chu an phum tha leh ta a ni.

British ho te chu inbunnghetin Lungleiah an inbengbel a, Captaih J Shakespear an a ho a ni. Dokulha chu manin lunginah khung a ni a, laldang awptir turin ruahhmanna siam a ni nghe nghe a. Mahse a khawmi te chuan an ngen nasat em avang leh laldang an duh loh avangin  silai za in an chhuahtir leh ta a ni. Hemi hnu hian Dokulha hian Fungkahah khuang a chawi leh a ni. Hetih hunlai hi Fungkah ropui vanglai niin Tuichhak tlangdungah chuan khawlian ber a ni. A hma atang a alo tumruk tawh Lakher ho beih chu a tum leh ta a, heath hian an inbeihdan hre chiah lo mahila Dokulha te chan hi a tha zawkin a lang thei a ni.  Hemi hnu hian Bengali Muslim puithiam chu Mizoramah lokal in hmun a lo enthlithlai a, rawngbawl tanna atan ruahhman te pawh a nimahna. Hemi tum hian Dokulha khua Fungkah ah lokalin hetih hunlaia vai tawng thiam awmchhun Dokulha inah an thlentir a, a lo duat viau niin an sawi. He vai putar haw tur hi an khaw kawtchhuah thlengin Dokulha hian a thlah a, hei hi a bo zui tak avangin Dokulha thah angin a lang ta a ni. Dokulha hian hnamdang alo ngaithei lo hle a ni tih a tilang chiang awm e.

Hetia buaina siam zeuh zeuh anih takah chuan Dokulha chu thi tur a chungthu rel a ni a, ke a a kal duh tlat loh avangin kuli hovin an zawn ringawt a niawm e.  Tanin a a tanlai hian a thubuai a thiamthu sawina sei tawktak a sawihnu ah damchhung lungin tang turin Andaman ah an thawn ta a ni. An thawn dawn hian thurochhiah a chhungte hnenah a chah a, a chhungte hian tuibur leh a chhung a feikibar an pe bawk tih upate sawi hmangah a hriattheih a ni. Hemi hnu hian lawngin an kal ta vang vang mai a ni. Andaman ah hi chuan chhunah an duhna hmunah an chhuak thei a ni awm e. A tanpui Mizo pakhat Hnahthial khua ami nen an inkawm deuh ber thin a, a chanchin pawh a hnen atang hian kan hre deuh ber a ni.

Andaman a an tanlai hian lui tereuh te te ah Sangha leh chakai te an khawrh thin a, heihi an pute an pek thi avangin an lawm thei hle a, an thlahdul thin bawk a ni. Vawikhat chu heta an tanlai hian kalkawngah sakei a bawk run mai a, kal a tum bawk si lova, mi ho chuan an hlau em em a, he sakei hi a hliam tawh avang in a kawlh em em bawk a ni. Dokulhan  hriat chuan sakei hu pan in hla vaklo atangin an inmelh ta run mai a, chesawn miahlova an awm hnu chuan sakei chuankawngthlangah a pensan ta a ni, tiin a tanpuipa lo haw leh in a sawi a ni.

Kumrei tak an tan hnu in an tan hun an lo tlingtla ve ta a, an lo chhuak ve dawn ta a ni. Dokulha hi lal ah pawh mibik tak anih avangin  chute maia hanchhuah chu a tha a na tlat mai a, hetih hunlai hian an chawchhum tuin chaw alo pet ha duh lo nen chu chu remchangah la in, Kutsil nan tiin a vawhlum ta a ni. Hemi hnu hian Dokulha chu tang leh in a hnulam chanchin kan hre zui ta lo a ni. A tanpui pasaltha hi lo haw leh in kum 100 mi niin a thi a ni.

Lairam lamah lo let leh ta ila, hemi hnu hian a fate Ngunlingan Bualpui ah a indang a, a fapa upa berin  a lalna tlang a chang thung a ni. Tumirhan Rulkualah indangin a fapa naupang ber Suichhuma chu Lungpher ah khua a dinthung a ni. A fate pawh hi Mizo lalte zingah chuan hriathlawh leh thiltithei mahni a khuang vawihnih aia tam chawi thei vek an ni.

A hnu ah hian lakher ho nen hian la inhal tak niin sorkar hriatpui si lohvin an tihbuai reng avangin Saiha lalpa hlawnchhing lal chuan a fapa nupui atan a dil a, hemi hnu hian inrem ta in Ngunlinga fapa chuan tuipangah khua siamin, tuna Mara ram khawpui ber dawttu hi ama hova din a ni. Anmahni hi an thawhhlawk hle a, ECM kohhran nupawl dinna atan te tangkai takin hma an lo hruai a ni. Tuipang lal avang hian Mara ramah Mizo tawng chu zirlaiah telh a ni ve ta a ni.

MIZORAM PASALTHA DOKULHA

Dokulha hi kum 1851 khan Cherhlun khuaah lo piangin a pa chu Taihmunga Chinzah niin a nu chu Saitangi, Ramliana fanu a ni. Ramliana hian mumang mak tak neiin a mumangah chuan thla 2 eng fiah tak leh ni thlain a an laitat a hmu a, chu ni eng chuan thla eng chu a rawn enkhalh ta a ni. Chu mumang an hrilhfiahnaah chuan thla 2 te chu a fapa Ngulhmunga leh Taithaia an ni a, ni ve thung erawh chu Saitangi leh a fate an ni a, Saitangi fapate ho Dokulhate unau rual tlang hrang hranga lalna chang ta te an ni.

Kum 1888 ah Dokulha leh a unaupa Hausata chuan an khuate hruaiin an rammu a, Lt. John Steward-a, khatih laia survey pawla an hotupa lu chu 3rd February ah an la a,hetih rual hian European dang pahninh leh Indian Sepoy pakhat an that tel bawk. An rallak sumte chu silai, pistol, fian leh sana a ni. Heng mi an thah chhan nia lang chu an tana hun lo la kal zel tura hlauhawm leh hnawksak thei nia an hriat vang a ni.

An thiltih hian sawrkar beng a lo thlen chuan sawrkar thin a rim hle, Hausata leh a unaupa Dokulha hrem tur hian kum 1889 khan an rawn kal a, hei hi Vailen II kha ani. An hotupa chu Brig. Gen. Tregear a ni a. Lt. Col. Nicolads-a leh Maj. Chaver-a an hote sipai 200 in Lungtian khua an rawn thleng ani. An rual hian Political Officer Lyal-a pawh a tel ni ngeia hriat ani. Khuan an rawn luh hian mipuiten an lo hriatlawk avangin an lo chhuahsan veka tumah an hmulo. Dokulha a tlanbo avang leh Hausata a lo boral tawh avangin an tum ber erawh an hlawhchhama mahse Hausata thlan atang erawh chuan silai leh pistol chu phawrhin Military Headquarter Simla ah an hawn leh ani.

Kum 1891 ah J. Shakespeare (Mizote’n Tarmita tia an hriat), Lungleh (Lunglei) Superintendent chuan Capt. Hutchinson-a chu Dokulha man turin a tir a, Fungkah khuaah man ani. Mahse Dokulha hi mi ngeng leh luhlul a ni a, a kal duhloh avangin a mantute hian hlang siamin an zawn. Engemaw chen Lungleia tantir anih hnuin Hazaribagh Jail ah thawn ani. Jail atanga a rawn chhuah hnu hian Fungkah khuaah hian khuang a chawi leh ngat. Hemi hnuah hian Muslim Fakir (puithiam) thah avangin man ani leh a, a tan chhung hian thurochhiah siam tura tih a ni a. Tichuan Andaman thliarkar lamah tan tir a ni ta.

Andaman-a a tan lai hian sakei kawlh zet mai nen kawnglaiah intawkin an in melh rem rawn hnuah sakei hian kawng kianin a tinsan ta a ni. Andaman a tan hun a zawha chhuah a nih dawnah kutsil nan tiin tang vengtu pakhat a that leh avangin damchhung tang tura tih a ni a, a thih thlengin a tang ta reng ani.

Dokulha hian fapa 3 neiin Ngunlinga’n Bualpui tlang changin Tumthira leh Saichhuma’n Rulkual leh Lungpherah an lal bawk. Dokulha hming hi India tana zalenna sualtute (freedom fighters) zinga telh ani.

sOURCE mISUAL

Laitlang laimi

Lairam mawitu pangpar te

Dingdi

Chhawkhlei

Sap pangpar or mirang par

Kumtluangpar

Kungpui muthi

Tlangsam

Chuailoh par

Hleichhawk

Ardukhuan par

Senhri par

Chhawkhlei par var