MIZORAM PASALTHA DOKULHA

Dokulha hi kum 1851 khan Cherhlun khuaah lo piangin a pa chu Taihmunga Chinzah niin a nu chu Saitangi, Ramliana fanu a ni. Ramliana hian mumang mak tak neiin a mumangah chuan thla 2 eng fiah tak leh ni thlain a an laitat a hmu a, chu ni eng chuan thla eng chu a rawn enkhalh ta a ni. Chu mumang an hrilhfiahnaah chuan thla 2 te chu a fapa Ngulhmunga leh Taithaia an ni a, ni ve thung erawh chu Saitangi leh a fate an ni a, Saitangi fapate ho Dokulhate unau rual tlang hrang hranga lalna chang ta te an ni.

Kum 1888 ah Dokulha leh a unaupa Hausata chuan an khuate hruaiin an rammu a, Lt. John Steward-a, khatih laia survey pawla an hotupa lu chu 3rd February ah an la a,hetih rual hian European dang pahninh leh Indian Sepoy pakhat an that tel bawk. An rallak sumte chu silai, pistol, fian leh sana a ni. Heng mi an thah chhan nia lang chu an tana hun lo la kal zel tura hlauhawm leh hnawksak thei nia an hriat vang a ni.

An thiltih hian sawrkar beng a lo thlen chuan sawrkar thin a rim hle, Hausata leh a unaupa Dokulha hrem tur hian kum 1889 khan an rawn kal a, hei hi Vailen II kha ani. An hotupa chu Brig. Gen. Tregear a ni a. Lt. Col. Nicolads-a leh Maj. Chaver-a an hote sipai 200 in Lungtian khua an rawn thleng ani. An rual hian Political Officer Lyal-a pawh a tel ni ngeia hriat ani. Khuan an rawn luh hian mipuiten an lo hriatlawk avangin an lo chhuahsan veka tumah an hmulo. Dokulha a tlanbo avang leh Hausata a lo boral tawh avangin an tum ber erawh an hlawhchhama mahse Hausata thlan atang erawh chuan silai leh pistol chu phawrhin Military Headquarter Simla ah an hawn leh ani.

Kum 1891 ah J. Shakespeare (Mizote’n Tarmita tia an hriat), Lungleh (Lunglei) Superintendent chuan Capt. Hutchinson-a chu Dokulha man turin a tir a, Fungkah khuaah man ani. Mahse Dokulha hi mi ngeng leh luhlul a ni a, a kal duhloh avangin a mantute hian hlang siamin an zawn. Engemaw chen Lungleia tantir anih hnuin Hazaribagh Jail ah thawn ani. Jail atanga a rawn chhuah hnu hian Fungkah khuaah hian khuang a chawi leh ngat. Hemi hnuah hian Muslim Fakir (puithiam) thah avangin man ani leh a, a tan chhung hian thurochhiah siam tura tih a ni a. Tichuan Andaman thliarkar lamah tan tir a ni ta.

Andaman-a a tan lai hian sakei kawlh zet mai nen kawnglaiah intawkin an in melh rem rawn hnuah sakei hian kawng kianin a tinsan ta a ni. Andaman a tan hun a zawha chhuah a nih dawnah kutsil nan tiin tang vengtu pakhat a that leh avangin damchhung tang tura tih a ni a, a thih thlengin a tang ta reng ani.

Dokulha hian fapa 3 neiin Ngunlinga’n Bualpui tlang changin Tumthira leh Saichhuma’n Rulkual leh Lungpherah an lal bawk. Dokulha hming hi India tana zalenna sualtute (freedom fighters) zinga telh ani.

sOURCE mISUAL

Laitlang laimi

Lairam mawitu pangpar te

Dingdi

Chhawkhlei

Sap pangpar or mirang par

Kumtluangpar

Kungpui muthi

Tlangsam

Chuailoh par

Hleichhawk

Ardukhuan par

Senhri par

Chhawkhlei par var

HRIATTIRNA

HEI KAN RAM LO SANG CHHO ZEL CAH HIAN THIAMNA TE LO SANG TA IN KAN AWMNA TE PAWH A LO DANG TA EM EM A, HETAH HIAN ENGTINNGE KAN INPAWH TLAN ANG TIH NGAIHTUAH IN HE BLOG HI KAN SUAL CHHUAK VE TA A NI. hEMI AH HIAN TUTE PAWH HI KAN TA A NI VEK MAI, HETAH HIAN KAN KHAW CHANCHIN LEH KHAWCHHUAK MI PAWIMAWH LEH CHHINCHHIAH TLAK DEUH TE I DAHKHAWM ANG U. TICHUAN KAN HISTORY LUANGRAL MAI TUR LAKAH KAN HUM THEI DAWN A NI. TAWNGKAM THU AH CHUAN THEIH ANG IN MIZO TAWNG HMAN NISE TIN LAITAWNG LESSON INPEKNA ANG DEUH A TAM THEI ANG BER ZIAK TUM NISE. CHUTI CHUAN KAN IN UNAUNA ALO THA LEHZUAL DAWN A NI. THLALAK TE PAWH KAN RAM A HMUNMAWI DEUH DEUH TE DAHLANG TEL A THA AWM E. IN RAWTNA TE PAWH PAWM ZEL A NI ANG. HEI KA HAN SIAM VE RINGAWT MAI A NI A, KEI TAK HI CHU THILPAWIMAWH TIIN KA TEL HMAN LUTUK LO MAI THEI, AMAHERAWH CHU THIL TE NANG NIN LO TIFEL ULA, A THEIH A POST ALO TAM TA VIAU A NIH CHUAN EDITOR TUR TE KAN INRUAT DAWN NIA. HE BLOG HMING HI LAIRAMTIH NIIN LAIRAMMIPHUN.BLOGSPOT.COM A NI E. RAM LEH HNAM TAN.......